KKR vs SRH: IPL मध्ये पहिल्यांदाच गोलंदाजाने दोन्ही हातांनी केली गोलंदाजी अन् अशी मिळवली विकेट; इतिहास घडवणारा कोण आहे हा खेळाडू?

IPL 2025 KKR vs SRH: आयपीएल २०२५ मध्ये ११ वा सामना सनरायझर्स हैदराबाद आणि कोलकाता नाईट रायडर्स यांच्यात ईडन गार्डन्सच्या मैदानावर खेळवला जात आहे. या सामन्यात केकेआरने फलंदाजी करत हैदराबादसमोर २०१ धावांचे लक्ष्य ठेवले. या सामन्यात दोन्ही संघांमध्ये मोठे बदल करण्यात आले. यामध्ये सनरायझर्स हैदराबादच्या संघात नव्या अष्टपैलू खेळाडूला पदार्पणाची संधी दिली. या खेळाडूने पहिल्या डावात दोन्ही हातांनी गोलंदाजी केली. कोण आहे हा खेळाडू? आपण अनेकदा ऐकलंय की एकतर डावखुरा गोलंदाज असतो किंवा उजव्या हाताने गोलंदाजी करतो. पण आयपीएलमध्ये पहिल्यांदाच या अष्टपैलू खेळाडूने दोन्ही हातांनी गोलंदाजी केली आहे. फक्त गोलंदाजीच नाही केली तर त्याने मोठी विकेटही मिळवली.